ស្រ្តីម្នាក់មានបំនងចង់សំលាប់ខ្លួនដោយលេបថ្នាំ ប៉ារា

ស្រ្តីម្នាក់មានបំនងចង់សំលាប់ខ្លួនដោយលេបថ្នាំ ប៉ារា

បើ​តាម​ប្រភព​ពី​កន្លែង​កើតហេតុ​បាន​ឲ្យ​ដឹង​ថា នៅ​មុន​ពេល​កើតហេតុ​គេ​បានឃើញ​នារី​រង​គ្រោះ មិនដឹង​មកពីណា​នោះ​ទេ ដើរមក​ជា​លក្ខណៈ​មនុស្ស​គ្មាន​កម្លាំងកំហែង ឃើញ​ដូច្នេះ​សន្តិសុខ​ក្នុង​បុរី​ជម្ពូ​វ័ន និង​ប្រជាពលរដ្ឋ​បាន​គ្រាហ៍​នាង​ឲ្យ​អង្គុយ​លើ​កៅអី ស្រាប់តែ​នាង​យកដៃ​ច្របាច់ក និង​មាត់​ខ្លួនឯង បែកចេញ​ពពុះ ធ្វើ​ឲ្យ​មនុស្ស​ម្នា​ចោមរោម​មើល​ភ័យ​ស្លន់ស្លោ បាន​ប្តឹង​ទៅ​សមត្ថកិច្ច​ប៉ុស្ដិ៍​ចោម​ចៅ​។

 ហេតុការណ៍​ភ្ញាក់ផ្អើល​នេះ​កើតឡើង​កាលពី​វេលា​ម៉ោង ៧​និង​១០​នាទី​យប់​ថ្ងៃ​ទី​១៩ ខែកញ្ញា ឆ្នាំ​២០១៦ នៅ​ចំណុច​ផ្លូវ​ផ្ទះល្វែង​ជម្ពូ​វ័ន ក្រោយ​ហាង​ថតរូប​ល្អ​ពេញចិត្ត ភូមិ​ព្រៃ​ព្រីង​ខាងជើង សង្កាត់​ចោម​ចៅ ខណ្ឌ​ពោធិ​សែន​ជ័យ​។ នារី​មាន​វិបត្តិ​ផ្លូវចិត្ត​រូប​នេះ ពុំ​មាន​នរណា​ស្គាល់​អត្តសញ្ញាណ​របស់​នាង​នោះ​ទេ​។

 

បន្ទាប់​ពី​សមត្ថកិច្ច​ទៅ​ដល់​បាន​ទាក់ទង​ទៅ​ក្រុម​សង្គ្រោះ​បន្ទាប់​៧១១ កងពល​តូច​៧០ មក​សង្គ្រោះ​ធ្វើ​ចលនា និង​ដាក់​អុក​ស៊ី​សែន ឲ្យ​នាង​ទាន់​ពេលវេលា និង​បាន​ដឹក​ទៅ​លាង​ក្រពះ​នៅ​មន្ទីរពេទ្យ​ព្រះ​កុសុមៈ និង​រង់ចាំ​នាង​ស្រួលខ្លួន​បាន​ទាក់​ទៅ​ក្រុម​គ្រួសារ​មក​ទទួល​នាង​ត្រឡប់​ ទៅ​វិញ​។ 

 ប្រភព​ដដែល​បន្ត​ថា​ នារី​ម្នាក់​បាន​បែកពពុះមាត់​ទន់ដៃទន់ជើង ដោយសារ​នាង​ខឹង​សង្សារ​ហើយ​ផឹកថ្នាំ​ប៉ា​រ៉ា​សេ​តា​ម៉ុ​ល​ជា​ច្រើន​គ្រាប់ ធ្វើ​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ​ជួយ​ហៅ​ក្រុម​សង្គ្រោះ​៧១១ មក​សង្គ្រោះ​ទាន់​ពេល​។